السلام عليكم ورحمة الله .
طبعآ الموضوع أمبين من ( عنوانه ) 
.
هو تقرير بسيط عن أفلام الأنمي المثير { المحقق كونان } . وأكيد الأغلبية يعرفونه أو حتى سامعين عنه . أولى حلقاته كانت سنة 1996 ولحد الحين ما خلص . أخر حلقه شفتها كانت الحلقة 530 . ما أدري متى بيخلص +____+ . الصراحة ما أقدر أقول عنه ملل لأن كل حلقة تشدني أكثر من الثانية . ومسائل الغموض والذكاء في المسلسلات والأفلام تعجبني . الظاهر الكاتب من كثر نجاحه الباهر في هالأنمي مو راضي يختمه !
بالنسبة لأفلامة . هو له ” 12 “ فلم . أنا عن نفسي راح أتكلم عن الأفلام اللي عجبتني أكثر شي . هو بصراحه كل أفلامه مثيرة لكن الأفضل هم :
+ الفلم الأول , بعنوان || العد التنازلي لناطحة السحاب ||
+ الفلم الثالث , بعنوان || ساحر القرن الأخير ||
+ الفلم الرابع , بعنوان || أسير في عينيها ||
+ الفلم الخامس , بعنوان || العد التنازلي إلى الجنة ||
+ الفلم السادس , بعنوان || خيال شارع بيكر ||
+ الفلم السابع , بعنوان || تقاطع شوارع بالعاصمة القديمة ||
+ الفلم الثامن , بعنوان || ساحر السماء الفضية ||
+ الفلم التاسع , بعنوان || أستراتيجية ما فوق الأعماق ||
+ الفلم العاشر , بعنوان || لحن وداع المنتحرين ||
+ هذه هي أجزاء الأفلام اللي عجبتني أكثر شي , وطبعآ راح أتكلم عنها بالترتيب . وقبل كل شي بحط صور الشخصيات المهمة لجميع الأفلام D=
الشخصيات :
++
” مشاهد سريعة “
++
” والحين يه دور الأفلام “
الفلم “ الأول “
|| العد التنازلي لناطحة السحاب ||
رايي الشخصي :
بما أنه أول جزء من أفلام ” كونان ” يعني أكيد حلوو وهو بداية الأثارة والتشويق من أفلامه . يستحق المشاهدة . أنا كنت عارضته في مدونتي لكن للآسف رابط الفلم أنحذف من الموقع الأصلي اللي هو ” يوتيوب ” لكنه أكيد موجود بالنت . تقدرون تسون ” بحث ” في ” قوقل “ بأسم الفلم وإن شالله راح تحصلونه في المنتديات .
++
الفلم ” الثالث “
|| ساحر القرن الأخير ||
رايي الشخصي :
هالجزء وايد حلو وفيه حماس . لكنه مو ( التوب ) من جميع أفلامه . يعني بنظري الجزء العاشر كان أحلى . لكن لازم تشوفون هالجزء لأنه يعتبر رائع D=
++
الفلم ” الرابع “
|| أسير في عينيها ||
رايي الشخصي :
بما أني تكلمت عنه يعني يعتبر من أفضل أفلام كونان . هو حلو بس بعد مو أحلى من الجزء ( العاشر ) . وإذا بقارن بينه وبين الجزء ( الثالث ) .. الثالث عندي أحلى . بس بعد لازم تشوفونه P=
++
الفلم ” الخامس “
|| العد التنازلي إلى الجنة ||
رايي الشخصي :
Nice .
قضية هالجزء عجبتني , يمكن ما يكون أحلى من الفلم ( الثالث ) لكنه عندي أحلى من ( الرابع ) , وطبعآ كل واحد وذوقه . يعني بعد لازم تشوفونه P=
++
الفلم ” السادس “
|| خيال شارع بيكر ||
رايي الشخصي :
بصراحة هالجزء عجيب , لأن أحداثه كلها تصير ( داخل لعبة ) . فكرته وايد عجيبة . يعني يستحق المشاهدة , وهذي جملتي المعتادة >> لازم تشوفونه P=
++
الفلم “ السابع “
|| تقاطع شوارع في العاصمة القديمة ||
رايي الشخصي :
أنا عن نفسي عجبني .. يمكن ما يكون أحلى من الأجزاء القبلية لكن بعد يعتبر حلو ومشوق . ولا تنسون تشوفونه .
++
الفلم ” الثامن “
|| ساحر السماء الفضية ||
رايي الشخصي :
من أروع الأجزاء لسلسلة أفلام ” المحقق كونان ” طبعآ هو مع العاشر يعتبرون ” التوب ” D= عجيب هالجزء . يعني لازم تشوفونه . أوكي ؟
++
الفلم ” التاسع “
|| استراتيجية ما فوق الأعماق ||
رايي الشخصي :
جزء مثير ماله مثيل P= أغلبية أحداثه بتكون على ظهر السفينة , إذا تبون تعرفون أكثر .. شوفوه .
++
الفلم ” العاشر “
|| لحن وداع المنتحرين ||
رايي الشخصي :
هالجزء مع “ الثامن ” من أفضل الأجزاء عندي .. وذكرت قبل أن الجزء العاشر رووعة .. هالجزء بالنسبة لي ما يتفوت ولازم تشوفونه D=
++
أخر فلمين هم ” 11 ” + ” 12 ” لكنهم ما عجبوني وايد .. والفلم ” 13 ” يعرض حاليآ في “ اليابان ” . بصراحة كان بودي أعرض الأفلام في مدونتي . لكنها مو متوفرة عندي . ومثل ما قلت لكم تقدرون تشوفونها في المنتديات .
See U
هلا لورينا
مبرووك على المدونة
الصراحة شكل المدونة حلو ^^
بس عندي سؤال
سـ هذا الفيديو إلي حطيتيه أقصد المشاهده السريعه
هي عن فلم ولا حلقات الكرتونيه ؟؟
شكرا على الأفلام الرائعة
هلا حبيبتي ” نورة ”
.
الله يبارك فيج وتسلمين على المرور
| بالنسبة للسؤال |
هذه ” أفلام كونان الكرتونبة ” هو له ” 13 ” فلم وأنا حطيت بس اللي اعجبوني أكثر شي . وكل فلم مدته ” ساعة ونص ” أو يمكن أكثر بشوي . والفلم يبدأ بقضية معينة وراح تنتهي أحداث القضية بنفس الفلم .. وكل فلم ” قضيته ” طبعآ مختلفة عن الثانية .
يعني اللي أنا حاطتهم ” الأفلام ” مو ” الحلقات ” .
وأنا حطيت أرقام الأفلام في صفحات مختلفة في | مدونتي | عشان الصفحة ما تكون ” بطيئة ”
وفي هالصفحة بتحصلين الأفلام ” 1 ” و ” 3 ” و ” 4 ” وكل فلم مجزء ” 12 ” جزء من موقع ” اليوتيوب ” وترى الأفلام حلوة ومشوقة إذا أنتي تحبين تشوفين ” أنمي ” وتحبين ” كونان ” .
إن شالله فهمتي علي
.
ثااانكس لوورينااا
استمري
Welcome
=)
يعني هو له افلام ومسلسلات ..
انا تابعت المسلسلات وحلوة ومشوقة كثير ..
بس الافلام ماعرف عنها شي بس الحين عرفتها
اكيد بتابعها
لورينا شكراً جزيلاً ..
هو لما بدأ كانت بحلقات كرتونية سنة 1995 على ما أظن , تقريبا وصلت إلا الأن 500 حلقة وما زال الكرتون مستمر وفي إنتظار الحلقة الأخيرة التي طااااالت @___@ .
وتقريبا كل سنة أو سنتين ينزلون فلم طويل مدته ساعة ونص أو ما بين ساعتين يتحدث عن قضية طويلة لكنها ممتعمة .
=)